Muqâqiŋ Dâŋ 6:16-21

¹⁶Wofuŋ e eebapa 7 kecʒiŋuc jaŋere maname mamakâcne eha râsi ejareekac: Pepec ʒâŋe fifi, micbipiczi wokemaŋ dâŋ mumu, ŋic bahacmâc qâqâhâmoc‐jopa, dâŋ repicne manasu biric ee, wiac hehesicne ezore fâro hata rara, dâŋgieo domahuc dâŋ muhasickerâ burec ee, erâ âgo ŋondeŋko juhuc iiriac â kikisâ bâbâfua.

²⁰Motec‐mae, go mamacgere sâcmutâc dâŋ mana rereŋ ehuc juzemec, erâ wâc neŋgocgezi wiac qazu‐garewec irec moc mi nikecguzejec.

²¹Go dâŋjekic maŋgao râetec foha paŋʒâic jaha bajuzemec.