Muqâqiŋ Dâŋ 4:8-15

⁸Maŋɋârâŋ dâŋ mana maŋ etec izi ʒâŋe biŋe sâko bâfua‐garezejec, â maŋzi hâpo heâroŋ ecnetec eri qoqonaŋge eocmu.

⁹Go iŋuc etec eri hendiŋ â eriduge eocmu hâcne.”

¹⁰Motec‐mae, go dâŋnanere hazec râec, ehuc dâŋ gazaekopac sâc manatec fârine eha bajuhuc dameŋ ʒora jufezemec.

¹¹No maŋɋârâŋte fuŋne gaza gowatuc epo, ehuc siocmâc jujure hatao jowacgupo.

¹²Irec go hatagao rahaŋtec wiac moczi aka moc mi hegareocmu â gasackerâ racmuo ine kikege wâc mi fâfâckeocmu.

¹³Wiac qazu‐garekicne irec manasuhuc juzemec, â mamana bâfuameŋ izi hâcne jujuge dopeckeekacte biaŋne soŋaŋkezemec.

¹⁴Go ŋic hehesicne jaŋere hata mi âtezemec â ŋic sindaŋne jaŋere itiroc wâc mi bâjâpezemec.

¹⁵Go jaŋere hata râpeckerâ dic bacnehuc wiac hehesicne mi ezemec, iŋuc ehuc gahacne hatao ʒuhuckerâ razemec.