Muqâqiŋ Dâŋ 2:3-13

³Erâ mamana saric â maŋzi wiac mamana tara fua‐gareocte nunumu gie bazemec.

⁴Go siliwa moneŋ me boreŋ ʒeŋaŋ duckekicne bâfuacmurâ babasa gie banʒaŋ, irec sâc jaha giene batec mamana fua‐garezejec.

⁵Iŋuc ecmuo ine Wofuŋ araŋ babacne irec fuŋne mecne, â Anuture fuŋne i mâmâc mana taracmu.

⁶Maŋɋârâŋ i Wofuŋzi tahac‐nâpoekac, erâ mamana saric â mamana tara i eraonec jaha ware‐nâreekac.

⁷Eki hâcne ŋic tiŋne â siocmâc bafic‐jopaekac â ŋezic‐jopaekac.

⁸Ehuc, ŋic âgofâc‐jeŋic bafic‐jopahuc dâŋjeŋic mutiŋne‐jareeŋgopieŋ ŋic i jaŋe sapec‐jopaekac, â e jahacnao qohotahuc jueŋgopieŋ jaŋe hone soŋaŋ ejareekac.

⁹Go maŋɋârâŋ dâŋ manacmuo ine wiac biaŋne â tiŋnere hata hone taracmu, ehuc irec sâcko ebac ehuc jucmu.

¹⁰Erâ go maŋɋârâŋhec jaha jutecne mamanagezi bubiaŋ bâfua‐gareocmu.

¹¹Mamana saric â maŋzi wiac mamana tara izi ŋezicguocmu,

¹²ehuc wiac hehesicne ezicte aka hegareocmu. Ehame ŋic dâŋ kosa muhuc bâbâsifuc bâfuaeŋgopieŋ jaŋerao ra qohotazicte hata hebâzicke‐gareocmu.

¹³Ŋic iŋucne jaŋe dapâcte hatao juniŋte tiŋne jujure hata râpeckeeŋgopieŋ,