Muqâqiŋ Dâŋ 2:1-6

¹Motec‐mae, no dâŋ gaza qazuc ekopac i manazemec, ehuc wiac i me i ecmurâ gazape mi nikecguzejec.

²Go maŋɋârâŋ dâŋte hazec râezemec, ehuc mana taracmurâ esâickehuc giene bazemec.

³Erâ mamana saric â maŋzi wiac mamana tara fua‐gareocte nunumu gie bazemec.

⁴Go siliwa moneŋ me boreŋ ʒeŋaŋ duckekicne bâfuacmurâ babasa gie banʒaŋ, irec sâc jaha giene batec mamana fua‐garezejec.

⁵Iŋuc ecmuo ine Wofuŋ araŋ babacne irec fuŋne mecne, â Anuture fuŋne i mâmâc mana taracmu.

⁶Maŋɋârâŋ i Wofuŋzi tahac‐nâpoekac, erâ mamana saric â mamana tara i eraonec jaha ware‐nâreekac.