Muqâqiŋ Dâŋ 28:1-5

¹Ŋic sindaŋne jaŋe moczi mi jâpec‐jopaha jaŋac wiseeŋgopieŋ, â ŋic tiŋne jaŋe ine laioŋ iŋucne sanaŋkeeŋgopieŋ.

²Ŋic guru moc jaŋe micne‐jeŋiczi mamana â maŋɋârâŋhec juhuc guriŋ bajareha sâcne sanaŋkerâ juniŋmu, â guru moc jaŋe qaqatara â hehesic boc bâfuapie micnefâc‐jeŋic jaŋe bâipiec‐joparâ ââkehoc eniŋmu.

³Guriŋ bapa ŋic moczi ŋic hapetac bâʒâic‐jopaocmu e hoe mâŋâŋ sâkozi giegaŋ ima baekac irec sâc eocmu.

⁴Ŋoŋe sâcmutâc dâŋ qatarahuc ŋic sindaŋne jaŋe bafic‐jopaniŋmu, â sâcmutâc dâŋ mana rereŋ eniŋmuo ine râsi ejareniŋmu.

⁵Ŋic hehesicne jaŋe tiŋne hata kâuc baeŋgopieŋ, â Wofuŋ araŋ bacneeŋgopieŋ jaŋe ine mana taraeŋgopieŋ.