Muqâqiŋ Dâŋ 23:18-22

¹⁸Go iŋuc ehuc juhaŋte woworicgezi mi omaeocmu.

¹⁹O motec‐mae, no gazape manac: Go maŋɋârâŋhec juzemec, ehuc hata fâretiŋko jaha maŋ mamanasuge râetec fozejec.

²⁰Go ŋic waiŋ âmbâŋ nânâ me nânâ gapecmâc nâeŋgopieŋ jaŋere ŋondeŋko boc mi juzemec.

²¹Opâ sanaŋ â bec qowi âmbâŋ nânâ ŋic i jaŋe hapetac erâ juniŋmu, ehuc ojoŋ fohuc ŋaqi qoruc basaniŋmu.

²²Go mamac bâbâfuage ere dâŋ manahuc juzemec, â neŋgocgezi ŋokac qizec erâ juha mi qaisockezemec.