2Wofuŋ e gie biaŋne hone aŋac ejareekac, â ŋic wiac hehesicne mana biric eeŋgopieŋ jaŋe ine mana gâpâre‐jareekac.
3Ŋic moc e wiac sindaŋne eocmuzi sâcne qiŋ herâ mi domaocmu, ŋic tiŋne jaŋe ine tie farane mi eniŋmu.
4Ŋonâŋ biaŋnezi ŋowe‐ticnere eridu tinac eekac, â ŋokac moc e ŋowe‐ticne mimi qaqa ecneocmuzi ine, umbeŋzi ŋic siec‐ticne nâekac irec sâc eocmu.
5Ŋic tiŋne jaŋe dâŋ biaŋne maŋkerâ jueŋgopieŋ, ŋic sindaŋne jaŋe ine eeatuc dâŋ sawa nâzâeŋgopieŋ.
Muqâqiŋ Dâŋ 12
Muqâqiŋ Dâŋ 12:2-5