Miti Mumu Ŋic 12:7-13

⁷Sahac‐nâŋec mâreŋzi bakicnere mocwâc mâreŋ jaha eocmu, â qâqâtâc‐nâŋec Anutuzi nârewec e ine mocwâc e jahacnao risieocmu.

⁸Erâ wiac i sasawa fâri tâmiriczi fâri tâmiric ekac, Miti Mumu Ŋiczi iŋuc mukac.

⁹Erâ ine Miti Mumu Ŋic e maŋɋârâŋhec juwecte wiac manawec sâc i sifu ʒuhuckerâ ŋic ŋokac jaza qazuc ewec. Ehuc muqâqiŋ dâŋ gâcne gâcne i jâmbomac me burec irec fuŋne bataniŋkeocte mamana gie sâko bawec.

¹⁰Erâ bâbâmiriŋ dâŋ mu qâreŋ ewec sâc i dâŋ fârine sasawa efârewec.

¹¹Ŋic maŋɋârâŋhec jaŋe dâŋ mueŋgopieŋ i lama soŋaŋ jaŋere gunu tetecne iŋucne. Erâ i soŋaŋ sâko‐nâŋec, Anutu hâcne, eki tahac‐jopawec.

¹²Ŋokâ‐mae, no dâŋ moc gazape manac: Ŋic jaŋe papia qizec bocjaha qâreŋkeeŋgopieŋ, eme go papia i sasawa irec mamana gie ʒoɋachec bahuc betaŋkezicte rucjarige bahuc juzemec.

¹³Erâ dâŋ muwarekicne irec fârine mocjaha fokac i wâc gazape manac: Go Anutu araŋ bacnehuc sâcmutâc dâŋticne reŋkezemec. Ŋic nâŋâc wiac i hâcne enaŋte bâfuac‐nâpokicne.