Miti Mumu Ŋic 10:1-6

¹Mâkâc hâmocne jaŋe wokemaŋ âsu biaŋko hupie wokemaŋzi âsu sâqocne fiocmu, irec sâc jaha dâŋ mutuc matacne afecnezi maŋɋârâŋ dâŋ bawahaocmu.

²Ŋic maŋɋârâŋheczi wiac fâretiŋ jaha ebac eekac, â ŋic mutuc matacnezi ine wiac hehesicne ebac eekac.

³Ŋic mutuc matacnezi ŋic furune mutuc mujarehuc e jahacne fuŋne bataniŋkeekac.

⁴Ŋicwofuŋgezi aaric mana‐gareme sifu giege mi behezemec, go mâteŋne jutec kiŋge beheocmu mecne.

⁵No mâreŋ sâc ŋicwofuŋ jaŋe wiac hehesicne kecʒiŋuc epie honepo:

⁶Jaŋe ŋic mutucne jaŋere meo gie fekicne râehuc ŋic moneŋ mafa sâkohec jaŋere meo ine gie omane râeeŋgopieŋ.