Mga Salmo 89:13-16

¹³Aduna kay gamhanang bukton ug kusgan nga kamot, ug taas ang imong tuong kamot.

¹⁴Pagkamatarong ug hustisya mao ang mga patukoranan sa imong trono. Ang pagkamatinud-anon sa kasabotan ug ang pagkamasaligan naggikan kanimo.

¹⁵Bulahan ang mga tawo nga nagsimba kanimo! Yahweh, naglakaw sila uban sa kahayag sa imong panagway.

¹⁶Sa tanang adlaw nagmaya sila diha sa imong ngalan, ug sa imong pagkamatarong gibayaw ka nila.