1Nalipay ako pag-ayo sa dihang miingon sila kanako, “Mangadto kita sa balay ni Yahweh.”
2Jerusalem, ang among mga tiil nagtindog diha sa imong mga ganghaan!
3Jerusalem, ang usa ka siyudad nga maayong pagkatukod!
4Motungas ang kabanayan didto sa Jerusalem—ang kabanayan ni Yahweh—ingon nga pagpamatuod alang sa Israel, aron makapasalamat sa ngalan ni Yahweh.
5Atua didto nahimutang ang mga trono sa paghukom, ang trono sa balay ni David.
6Pag-ampo alang sa kalinaw sa Jerusalem! “Hinaot nga kadtong nahigugma kanimo adunay kalinaw.
7Hinaot nga adunay kalinaw diha sa mga paril nga maoy nagpanalipod kanimo, ug hinaot nga aduna silay kalinaw diha sa imong mga kota.”
8Alang sa kaayohan sa akong mga kaigsoonan ug sa akong mga higala ako moingon, “Hinaot nga adunay kalinaw diha kanimo.”
9Alang sa kaayohan sa balay ni Yahweh nga atong Dios, mangita ako ug kaayohan alang kanimo.
