Mga Salmo 119:80-87

⁸⁰Hinaot nga walay masaway sa akong kasingkasing inubanan sa pagtahod sa imong mga balaod aron nga dili ako maulawan. KAPH.

⁸¹Naluya ako sa pagtinguha nga luwason mo ako! May paglaom ako sa imong pulong.

⁸²Ang akong mga mata nagtinguha sa pagtan-aw sa imong saad; kanus-a mo man ako hupayon?

⁸³Kay nahisama ako sa panit nga sudlanan ug bino diha sa aso; wala ko hikalimti ang imong mga balaod.

⁸⁴Hangtod kanus-a man makalahutay niini ang imong sulugoon; kanus-a man nimo hukman kadtong naglutos kanako?

⁸⁵Ang mga garboso nagbangag ug daghan alang kanako, ug nagasupak sa imong balaod.

⁸⁶Ang tanan mong mga sugo masaligan; kadtong mga tawhana nasayop sa paglutos kanako; tabangi ako.

⁸⁷Halos gihimoan na nila ako sa akong kataposan dinhi sa kalibotan, apan wala ko gisalikway ang imong pagpanudlo.