9Penga niyan te telobo dan pa timengteng ki Jesus, neengat sikandin doton te langit. Neselibengan sikandin te labon.
10Peglengag dan doton te langit, pegketà dimateng se didowa anghil nenaol te mepotì.
11Minikagi se anghil, “Sikiyo tege Galiliya, ikà niyo eglengag. Neengat den si Jesus doton te langit, meneng todà sikandin lomikò dini te tanà onawa te pegkeengat din kinità niyo seini.”
12Penga niyan, nesayo se menge sogounun i Cristo lekat te bontod sìyan iningedanan Olibo. Minolì dan doton te Jerusalem. Sebad kilomitro se kediyò niyan lekat te bontod sìyan.
13Pegdateng dan doton te Jerusalem, netipon dan doton te gibelayan te balay inogpaan dan. Seini se otaw netipon. Si Pedro aw si Juan aw si Santiago aw si Andres, si Felipe aw si Tomas, si Bartolome aw si Mateo, si Santiago batà i Alfeo, si Simon meyseg, aw si Judas batà te kesangay i Santiago.
Menge Ininang 1
Menge Ininang 1:9-13