ᤛᤣ᤺ᤰᤕᤢᤰᤔᤡᤒᤠᤜᤠ᤹ 1:9-13

⁹ᤕᤧᤛᤢᤖᤧ ᤜᤧᤰᤁᤣ ᤐᤠ᤺ᤳᤋᤢ ᤛᤢᤖᤢᤀᤠᤱ ᤂᤢᤏᤧ᤹ ᤀᤥᤔᤧᤔᤧᤳᤋᤢᤖ ᤔᤧᤒᤳᤇᤧᤸᤗᤧᤀᤣ ᤌᤠ᤺ᤱᤎᤠ᤺ᤱ ᤛᤠᤱᤃᤪᤠᤶᤐᤣᤍᤠᤱ ᤗᤧᤵᤔᤠᤱ ᤐᤰᤂᤧᤖ ᤂᤠᤵᤔᤡ᤺ᤳᤋᤡᤸᤗᤧ ᤀᤡ᤺ᤵᤋᤢ ᤋᤣ᤹ᤖᤢᤖᤥ॥

¹⁰ᤂᤧᤱᤜᤠ᤹ᤖᤧ ᤋᤠᤱᤛᤠᤰᤐᤥ ᤂᤢᤏᤧ᤹ ᤐᤱᤛᤡᤱᤒᤠ ᤀᤥᤔᤧᤔᤧᤳᤋᤢᤖ ᤔᤧᤕᤧᤒᤧᤸᤗᤧ ᤑ᤺ᤃᤧᤗ᤹ᤒᤠ ᤋᤣ᤺ᤳ ᤁᤧᤈᤠᤱᤒᤠ ᤏᤧᤵᤑᤢ ᤔᤠᤱᤗᤠᤀᤡᤱᤒᤠᤜᤠ᤹ ᤜᤰᤆᤄᤳ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤐᤣᤛᤠᤱ ᤕᤧᤶᤏᤧᤳᤇᤡᤀᤠᤱ

¹¹ᤐᤠᤖᤧᤳᤇᤡ. “ᤃᤠᤗᤡᤗᤒᤠ ᤔᤏᤠᤛᤣ. ᤌᤣᤀᤠᤱ ᤋᤠᤱᤛᤠᤰᤐᤥ ᤀᤥᤃᤧᤔᤧᤳᤋᤢᤶᤒᤠᤒᤣ᥅ ᤕᤧᤛᤢ᤺ᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤌᤥᤎᤥ ᤐᤱᤛᤡᤱ ᤐᤣᤒᤠ ᤜᤧᤰᤁᤣᤀᤣ ᤂᤢᤏᤧ᤹ ᤌᤡᤰᤕᤧᤴ ᤕᤠᤶᤔᤥ ᤕᤢ᤺ᤖᤥ॥”

¹²ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤈᤤᤋᤢᤏ ᤔᤧᤵᤔᤏᤠᤒᤠ ᤁᤥ᤺ᤰᤔᤠᤗᤠᤶ ᤕᤖᤢᤛᤗᤧᤔ ᤔᤧᤏᤢ᤺ᤰᤂᤧ॥ ᤂᤧᤴ ᤕᤖᤢᤛᤗᤧᤔᤗᤠᤶ ᤁᤡᤗᤥᤔᤡᤋᤖᤎᤡᤰ ᤔᤠ᤺ᤱᤗᤥ॥

¹³ᤕᤧᤰᤕᤰᤁᤥ ᤔᤧᤗᤠ᤺ᤛᤧᤀᤠᤱ ᤂᤧᤱᤜᤠ᤹ ᤔᤧᤕᤠᤃᤧᤒᤠ ᤌᤠ᤺ᤱᤛ᤻ᤔᤠ ᤕᤠᤰᤑᤠᤀᤥ ᤔᤧᤗᤠ᤺ᤛᤧ॥ ᤂᤧᤵᤔᤥ ᤐᤋᤪᤢᤛ. ᤕᤢᤜᤢᤴᤏᤠ. ᤕᤠᤁᤢᤒ. ᤀᤠᤴᤍᤪᤡᤕᤠᤛ. ᤑᤡᤗᤡᤐ. ᤌᤥᤔᤠ. ᤒᤠᤖᤌᤥᤗᤥᤔᤠᤀᤡ. ᤔᤳᤋᤡ. ᤀᤸᤑᤠᤕᤛᤖᤧ ᤁᤢᤛ᤻ᤛᤠ᤺ ᤕᤠᤁᤢᤒ. ᤜᤠᤱᤒᤡᤑᤩᤢᤱ ᤁᤧᤈᤥ᤺ᤰᤐᤠ ᤛᤡᤔᤥᤏ ᤜᤧᤰᤁᤩᤠᤱ ᤕᤠᤁᤢᤒᤖᤧ ᤁᤢᤛ᤻ᤛᤠ᤺ ᤕᤜᤢᤍᤠ ᤔᤧᤘᤕᤧᤖᤥ॥