Megwewali 9:4-11

⁴Is uuyag he asu meupiya pa kenà te minatey he erimaung, is uuyag he etew ne meupiya pa kenà te minatey he etew. Su is menge uuyag ne zuen din pa egkeperateng,

⁵ne netuenan din he ebpatey sikandin. Piru is minatey en ne wazè en egketuenan din ne wazè en egkezawat din wey egkelipatan en sikandin.

⁶Wazè dan en gaǥew, pauk wey kesina. Ne wazè dan en lavet te langun he egkengehitavù kayi te kelibutan.

⁷Megkaan ka wey med-inum ka te vinu he melipayen, su intuǥut heini te Megbevayà.

⁸Mebivisti ka te mekempet duma is kebpehemut, he ka và dà egkeǥiya layun ka medlipey.

⁹Ikelipey nu is ked-ubpè nu zuma te esawa nu he mibmahal nu. Is tivuuk he untung nu he wazè din pulus he imbeǥey kenikew te Megbevayà kayi te kelibutan ne ikelipey nu. Su iyan heeyan pulus te kedhaǥù nu kayi te kelibutan.

¹⁰Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.

¹¹Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.