Mbouŋ to Yes Israela 90:1-4

¹O Tiina, muuŋ ve inim, yom unum inamai to nepooŋ.

²Yom Maaron to uneep irau sawa isob. Muuŋ kat, sawa to ugham taan ve lolooz tivot sone, yom unepneep. Ve yom pale unepneep tovene itaghoni taghoni gha ila.

³Yom ugham yei tamtoghon to taan nimaat ninim ghavuur. Yom usaav payei ughaze pale nimaat ve nizila ninim taan muul.

⁴Yom ughita ughaze ndaman ndiŋndiŋ eez (1000), nene sawa tuku moghon. Ila ŋgar tiom, nene inimale noor ve inim aazne. Ve inimale sawa tuku to mboŋ to yes ndaaba tiyoon, ve tipamaat.