Mbouŋ To Yes Israela 58:7-10

⁷Upasov zi gha tilalez, imin yaa tau ireer ila le imaak. Uvaghaaz zi ila aghem saamba imin tamtamon tivaghaaz kikiliiŋ le igorgor.

⁸Ugham zi timin golgool tau timaat ve timbuuz. Naghe timin geegeu tau tinazŋa tipoop zi ve timin siŋ mon. Irau tileep ve tighita aaz mako.

⁹Maaron pale rekia mon iŋgoor saawe toozi tuuku, imin gabua gorgori tau yav ighani rekia. Aatyavyav tooni pale izaa toozi, ve ipasov zi gha tilalez, imin pen tau yaghur ivuvuura ila.

¹⁰Isaav ighe tamtamon duduŋazi tighita Maaron ighur atuya pa zeran sasaghati ve iyat ŋgar toozi, ene pale lolozi poia. Zeran sasaghati siŋ toozi pale ireer izi ve ipot izala taan paavo, ve tamtamon duduŋazi tilaagh ila.