Buk Song 58:7-10

⁷Ol i mas lus olsem wara i ran i go na i lus nating long graun. Yu mas krungutim ol olsem man i krungutim gras na gras i drai.

⁸Ol i ken bagarap olsem demdem i dai na i sting long graun. Na ol i ken i dai olsem pikinini i dai long bel bilong mama. Bihain mama i karim em na pikinini i no lukim san.

⁹Kwiktaim tumas God i bagarapim ol, olsem man i katim liklik diwai. Ol i stap laip yet na God i belhat tru long ol na em i tromoi ol olsem pipia.

¹⁰Ol stretpela man bai i amamas long taim God i mekim save long ol man bilong mekim sin. Ol stretpela man bai i wasim lek bilong ol long blut bilong ol man nogut.