Mbouŋ to Yes Israela 58:7-10 in Mutu

⁷ Upasob di ve tilaledi tinimale ya to ireer ila le imaak. Uvazag di ila aghem samba inimale tamtoghon tivazag kikiliiŋ le igorgor.

⁸ Ugham di tinim demdem to timaat ve timbuuz. Naghaze tinimale ndipain to timazug ila nditinandi apodi. Irau tineep ve tighita ndag maau.

⁹ Maaron pale rikia moghon iŋgor sawa todi inim tuku, inimale mbeb gorgori to yab ighani rikia. Mbalmbali toni pale iza todi, ve ipasob di tilaledi tinimale buzbuz to yaghur iviviira ila.

¹⁰ Ighaze tamtoghon deŋiadi tighita Maaron ighur atia pa ndiran samsamia ve iyat ŋgar todi, nene pale lolodi poia. Ndiran samsamia siŋ todi pale ireer izi ve ipot izala taan pogho, ve tamtoghon deŋiadi tilaagh ila.

⁷ Upasov zi gha tilalez, imin yaa tau ireer ila le imaak. Uvaghaaz zi ila aghem saamba imin tamtamon tivaghaaz kikiliiŋ le igorgor.

⁸ Ugham zi timin golgool tau timaat ve timbuuz. Naghe timin geegeu tau tinazŋa tipoop zi ve timin siŋ mon. Irau tileep ve tighita aaz mako.

⁹ Maaron pale rekia mon iŋgoor saawe toozi tuuku, imin gabua gorgori tau yav ighani rekia. Aatyavyav tooni pale izaa toozi, ve ipasov zi gha tilalez, imin pen tau yaghur ivuvuura ila.

¹⁰ Isaav ighe tamtamon duduŋazi tighita Maaron ighur atuya pa zeran sasaghati ve iyat ŋgar toozi, ene pale lolozi poia. Zeran sasaghati siŋ toozi pale ireer izi ve ipot izala taan paavo, ve tamtamon duduŋazi tilaagh ila.