Mbouŋ To Yes Israela 38:14-20

¹⁴Onoon kat, yau namin tamtamon tau taliiŋa ivool ve iloŋlooŋ saveeŋ mako, ve irau iyol saveeŋ eta mako.

¹⁵O Yoova, Maaron tsiau, yau naghur matag payo ve nasaŋan ghom. Yau nanumeer ghom naghe yo pale ulooŋ suŋuuŋ tsiau tane ve uul ghau.

¹⁶Maaron, upul pataŋani tane iliiv ghau sov. Pa ighe natap, ene pale koiagŋa tintinizi, ve tipakur tauzi tighe tiliiv ghau.

¹⁷Ughita. Yavyavuuŋ tane ipul ghau rigta mako. Moroghooŋ tane irav matin tapirig le naghe natap.

¹⁸Onoon, yau nazoor aliŋam. Tauta aazne, lolog ipataŋan ve navotia sosor tsiau payo.

¹⁹Koiagŋa, yes eval kat, ve tapirizi tiina. Ŋgar tau tigham payau ne, iduduuŋ mako. Pasaa, yau nagham sosor eta pazi mako. Yes tighur koi payau sorok.

²⁰Ŋgar popoia tau muuŋ yau naghamgham pazi na, aazne tiyoli pa ŋgar saghati. Yes tighurghur koi payau pasaa, yau nazuari ghau pa ŋgar poia mon.