Ola Saam 38:14-20

¹⁴Mi jis laik detlot hu nomo ensim dumaji dei kaan lisin.

¹⁵Bat mi trastim yu, YAWEI. Yu na main bos en main God, en yu na garra ensim mi.

¹⁶Nomo larram ol main enami rabishim mi. Nomo larram olabat tok jigibalawei wen ai stat dumbat nogudbala ting.

¹⁷Im jis laik mi nili buldan en mi ardimbat olataim.

¹⁸Ai dalim yu, “Mi sori blanga ol main nogudbalawei.” Dei meigim mi wori detmatj.

¹⁹Ol main enami garram gudwan bodi en dei jidan strongbala. Sambala pipul nomo laigim mi, en dei nomo garram eni risan.

²⁰Detlot pipul hu peiyimbek mi nogudwei blanga gudbala ting mi dum, olabat main enami.