14Jâmbomac, no ŋic moc dâŋ mi manaekac iŋucne, â micticnao okacne mumu mi fokac ere sâc jukopac.
15Erâ Wofuŋ, no gore woŋec jukopac; Wofuŋ Anutu‐nane, goki dâŋ bâtikie‐narecmu.
16Ʒiŋuc mukopac: “Jaŋe âke sisic enarehuc mi ʒeri enʒepieŋ, â kike‐nanezi biric boroc eha penaroŋ dâŋ mi enʒepieŋ.”
17No rândiŋkezo ekopac hâcne, â ʒâic‐nanezi moc mi behecnukac.
18No hehesic‐nane mufuakopac, â sâqocne‐nanere busâqoc manakopac.
19Erâ no maŋgâŋ râsi enareeŋgopieŋ jaŋe tâpirihec, â fuŋne tâmiric qaisocnueŋgopieŋ jaŋe guru sâko.
20Â biaŋnere okacne sâqocne enareeŋgopieŋ, ŋic i jaŋe kisâfâc‐nane juŋgopieŋ; ine biaŋnao qohotaekopacte iŋuc eeŋgopieŋ.