Mbouŋ to Yes Israela 121:2-6

²Yoova moghon to pale nagham ulaaŋ ila toni. Ye to ighur sambam ve taan.

³Ye pale mata payom. Irau ipul ghom aghem kirikia ve utap maau. Ŋginiiŋ tiom ipamaat irau sawa isob.

⁴Onoon kat, ŋginiiŋ to iit Israela, ighaze mata ighengheen, nene irau igheen maau. Ipamaat irau sawa isob.

⁵Yoova mata payom ve iŋgin ghom, leso uneep pooi. Ye ineep ila digem, ve inim yavyaav payom pa ipoon ghom pa ndag.

⁶Tovenen ighaze ndag, ndag irau ighaaz katin ghom maau. Ve mboŋ, kaiyo irau iwaghamun ghom maau.