Ola Saam 121:2-6

²YAWEI det trubala God na garra kaman blanga album mi. Im na bin meigim ebrijing langa skai en langa graun.

³YAWEI, im oldei wotjimbat wi wulijim wi kaan buldan. Im oldei lukaftumbat wi. Im nomo go silip.

⁴Tharran hu lukaftumbat im pipul langa Isreil, im jidan weik en wotjimbat. Im nomo go silip.

⁵YAWEI kipum wi seif brom olkain trabul, jis laiga bigwan tri im gudwan sheid brom det hotwan san.

⁶YAWEI im blokim ebrijing. Det san kaan ardim wi deitaim, en det mun kaan ardim wi naitaim. Nomo enijing kaan ardim wi deitaim en naitaim.