Mboe 73:15-19

¹⁵Anutu, ŋgar tio sananŋana tana, sombe aŋswe ma ipet mat, so aŋpasaana zin wal ku, mi aŋpakankaana ŋgar kizin.

¹⁶Tana nio aŋkam ŋgar boozo kat pa mbulu ta iwedet pizin wal sananŋan, mi aŋrru ka ŋgar. Tamen aŋrao som. Pa ike pio. Tabe ikam ma leleŋ ipata kat.

¹⁷Kaimer aŋlela urum ki Anutu mi aŋsuŋ. To ŋgar tio ipet, mi aŋkilaala mbulu tabe ipet pizin wal sananŋan pa kaimer i.

¹⁸Ŋonoono kat, nu ko ur zin la zaala sipirpirŋana, bekena kam zin ma timelmel mi tipun kat zin.

¹⁹Ko karau men mi pambiriizi zin. Ko yaŋgwiiri zin ma tila len. Tana tomtom ko tire mi timoto.