15 Anutu, ŋgar tio sananŋana tana, sombe aŋswe ma ipet mat, so aŋpasaana zin wal ku, mi aŋpakankaana ŋgar kizin.
16 Tana nio aŋkam ŋgar boozo kat pa mbulu ta iwedet pizin wal sananŋan, mi aŋrru ka ŋgar. Tamen aŋrao som. Pa ike pio. Tabe ikam ma leleŋ ipata kat.
17 Kaimer aŋlela urum ki Anutu mi aŋsuŋ. To ŋgar tio ipet, mi aŋkilaala mbulu tabe ipet pizin wal sananŋan pa kaimer i.
18 Ŋonoono kat, nu ko ur zin la zaala sipirpirŋana, bekena kam zin ma timelmel mi tipun kat zin.
19 Ko karau men mi pambiriizi zin. Ko yaŋgwiiri zin ma tila len. Tana tomtom ko tire mi timoto.
