Markus 8:6-10

⁶Basa boe ma Yesus nadenu sala langgatuuk leu dae. Boe ma Ana haꞌi nala loti kahitu kala sila, de noke makasi neu Manetualain. Basa boe ma Ana bibiꞌi loti la sila nenik Ndia liman, de, Ana fee sala leu ana mana tungga nala. Boe ma leu babaꞌe fee basa hataholi la sila.

⁷Ala hambu iꞌak hida boe. Boe ma Yesus noke makasi seluk neu Manetualain neu iꞌa kala sila. Basa de Ana fee ana mana tungga nala leu babaꞌe fee hataholi la sila.

⁸Sila basa sala fama hataholi lifun haa. Ala laꞌa losa lakabete. Laꞌa basa boe ma ana mana tungga nala leu huhulu lakabubua nanaꞌa ela kala sila, henu lembeneu inahuuk hitu. Basa ndia, boe ma Yesus nadenu basa sala fali.

¹⁰Ledoeik ala fali, boe ma Yesus no Ndia ana mana tungga nala saꞌe leni ofak esa dale leu, de, ala leni mamanak esa leu, nade Dalmanuta.