Markus 5:9-14

⁹Yesu ighasoni ighe: “Ezam sei?” I iyol aliiŋa ighe: “Yau ezag Legion (o Ndiŋndiŋ Ndiŋndiŋ). Pasaa, yei eval kat.”

¹⁰Ra avuvu saghati tana itaŋ rarai Yesu ariaaŋ ighe iziir zi tighau pa taan sirivu tawe sov.

¹¹Nugh tawe, ŋgai umbaal tiina ee tilepleep izi loloz ziige, ve tighanghan.

¹²Tauvene avuvu sasaghati tau tizeev ŋeer tana na titaŋ rarai Yesu tighe: “Ughur ghei niŋarui ŋgai tawe. Upul ghei niloŋ nila lolozi.”

¹³Yesu iyok pazi, tauvene tipul ŋeer tana, ve tiŋarui ŋgai tawe tila le tizeev zi tiloŋ tila lolozi. Ra ŋgai tawe tilaan taghon sariipa tizila, ve tiyaat tizila yaa loolo gha tighun yaa le tisov timatmaat. Ŋgai tau timaat na, irau ndiŋndiŋ ndiŋndiŋ ru (2,000) ma vene.

¹⁴Yes tau tiŋginŋgin ŋgai na, tighita gabua tana, ve tighau tila tipaesia vaaru izi nugh toozi ve nugh siriv tau tigharau zi na paam. Tauvene tamtamon tisov tila tighe tighita gabua tau ivot na. Tila tivot to Yesu, ve tighita ŋeer tau muuŋ avuvu sasaghati katini tizeeva na, ŋgar tooni poia ivot wa. I inonogh ghi pa nonoghiiŋa, ve mboole izi ilepleep. Tauvene roiŋ tiina igham zi.