9Dajun usip si Jesus, “Hintawa to ngadan nu?” Migtabak sikandin, “Si Linibu to ngadan ku, su hilabi koy mahan-in.”
10Migpak hangyu sikan mgo ispiritu ki Jesus no kona sikandan ogpayagujon duon to sikan no banwa.
11Na, duon to daligdigan to bubungan meyduon mgo daduwa no libu no babuy no nandungae.
12Nangamuju sikan mgo ispiritu ki Jesus, “Paseda koy on puli dutun to suja mgo babuy.”
13Pagtugut ni Jesus, pigyagujan dan sikan otow aw sed duon to sikan mgo babuy. Dajun pamanlinaguy sikan mgo babuy no namanyus-ug duon to pangpang aw kangkatabug diya to wohig.
14Dajun namanlinaguy sikan namanbantoy to babuy diya to yunsud dow kaumahan aw inangon dan to nahitabu. Dajun anduon to kaotawan su ogsusihon dan.
Marcos 5
Marcos 5:9-14