Markus 1:7-17

⁷O padapadak masani: Meamen laud sang ia kotido mur i. Sal en a sut i sota war ong idiokidi lapwada.

⁸I paptais kilar komail pil. A a pan paptais kin komail Ngen saraui!

⁹Kadekadeo ni ran oko Iesus ap kotido sang Nasaret en Kaliläa ap paptaisela ren Ioanes nan Iordan.

¹⁰A madang kotida sang nan pil o, ap kotin masani nanlang kan ar ritida, o Ngen mom en muroi piridi dong po a.

¹¹Ngil eu ap peidido sang nanlang kan: Nai kompok komui, me I perenki!

¹²A madang Ngen kalua wong i sap tan.

¹³A ap kotikoteki sap tan ran pangaul wia songesong pan Satan, ieiang man laualo; a tounlang kan me papa ong i.

¹⁴Murin en Ioanes a pangalar, Iesus ap koti dong Kaliläa, padapadak rongamau en wein Kot.

¹⁵Masani: Ansau o leler wein Kot mier! Komail kalula! Kamelele rongamau!

¹⁶Ni a kotikot sili liman sed en Kaliläa, a ap masani Simon o ri a ol Andreas ara lalaid sili, pwe ira saused.

¹⁷Iesus ap kotin masani ong ira: Koma idauen ia do! Pwe I pan wia kin koma la saused en aramas!