Mak 1:7-17

⁷Tama agai po bomo elama pusuyu, te po wai, “Te ena tudi badu asobo bidi me deligo, tama agai bomogo te eno bomo aiyaba elaluaibao. Ena wiegi yai bidi weyu, tama ena aga sę ebo bidi bidiyu, ena duagulama te eno agai sągą nadoba bono me pisagagobeo.

⁸Eno dage węgo naga baptais mani dao. Tiali goli agai dagebolo Godigo Tedali Mobo Bidi dobawaibao, dage dali bidimainu tama tiaibao,” Jongo te we bidi dabebolo te po wai.

⁹Te side Jisas te Nasaret dwasianu hanu te Galili tǫde bidali taga soyu asali. Tama Jongo aga te Jordan pabo ąį tomode baptais mani.

¹⁰Tama polo aga te we tagasu, te bulu wę sesegeba doligulubadi, tama agai te dagalu dala pabo suali, tama te Godigo Tedali Mobo Bidi te ba hi tiwai gagalasa agaba dulali.

¹¹Tama te dagalude pedauwali me delidu bomonama i weyu, te po wai, “Nage eno Ogwa dao. Eno nage godolo mu ebao. Eno homu nagede wiegi yai ebo dao,” te po wai.

¹²Tama te po ola silama, tama polo te Godigo Tedali Mobo Bidigo bomonama te Jisas bidi meni yai buluba polo tagala palai.

¹³Tama aga te bidi meni yai bulude bididubadi, te bidi sese si sogo bidali, tama te usu sabo dwai mobo bidi Satan asama, tama sesemane sogo aga usu sagasali, Jisasgo dwai sę emainogo tama usu sali. Tama Jisas te bulu hasa dabe dali bidali. Tama Godigo dagalude sę ebo ensel mobo bidi dabego aga tau sali.

¹⁴Te Jongo te gavman bidi Herotbolo “Dwai sę egio” po obaso, te Herot sębę eyu, tama agai Jon kalabusiba muani. Tama te sogo Jisas te Galili moni tǫ pedai tomoba pelama, tama Galili tǫde biliyu, agai Godigo gesi dwagi yai po pusa mena mena bilai, te po wai,

¹⁵“Te megi da, te bodolu sogo mu pedalubao. Te Godigo te we bidi mu tonalubo sogo pąba yagasalio. Tama tibaso, dagego duga yali dwai sęde ge neyu, tama homu begelama, tama duga homu te gesi dwagi yai poba begi pao,” Jisasgo te we bidi dabebolo te po pususu bilai dao.

¹⁶Te Jisas te Galili sigi ąį sane sesegedu pobadi, tama agai te Saimon aga ama Andru dali si suali. Augwali si te sigi węba te sųgų hagani togobo wa sąbo sę iduai. Augwali sigo te sųgų sabo sęde te mone sabo bisnis sę eyu bidai.

¹⁷Tama Jisasgo augwali sibolo te po wai, “Dage si ena wali asiąo, tama eno dage sibolo te bidi sabo sę ola mawaibao, te sali bidi dabe ena wali asomainogo yaibao,” te po wai.