Marka 5:23-36

²³ma keteŋ eŋ kepeŋ ducgeŋ ma kêsôm gebe “Latuco tecênê gêmac e awa kêtu dambê. Tec ômôêŋ ma ôkêŋ lêmam ênsac eŋ gebe ŋajam êsa ma êmoa mata jali.”

²⁴Tec Jesu gêwiŋ eŋ gêja ma lau taêsam têdaguc eŋ e sêkapiŋ eŋ sa.

²⁵Ma awê teŋ gêjam dec kêtôm jala 12,

²⁶ma kêtap ŋandaŋ kapôêŋ sa aŋga dokta taêsam nêŋ ma kêjaiŋ nê awa samob. Mago gêjam eŋ sa atom e gêmac gêjam sêga.

²⁷Awê tau gêŋô Jesu ŋawae ma gêmêŋ kêsêli lau gêc eŋ dêmôêmuŋa mêŋkêmoasac ênê ŋakwê,

²⁸gebe eŋ kêsôm gebe “Aê embe lamoasac ênê ŋakwêgeŋ, oc êŋgôm aê ôlic ŋajam êsa.”

²⁹Kêmoasac e gacgeŋ nê dec kêpa ma kêsaê ôli gebe gêmac gêwi eŋ siŋ.

³⁰Ma Jesu kêsaê sebeŋ gebe ŋaclai kêsa aŋga ênê gêja, tec kêkac tau ôkwi gêdêŋ lau ma kêtu kênac gebe “Asa kêmoasac ŋoc ŋakwê.”

³¹Ma nê ŋacseŋomi sêsôm gêdêŋ eŋ gebe “Aôm gôlic lau sêkapiŋ aôm sa sêmoa, mago kôtu kênac gebe ‘Asa kêmoasac aê.’”

³²Ma Jesu kêkac tau ôkwi gebe êlic asa gêgôm gêŋ tau.

³³Mago awê tau kêjala gêŋ, taŋ kêtap eŋ sa naŋ, kêtakê e kêtênêp tau ênduêndu, kêsa jagêu tau gêc Jesu laŋônêmŋa ma geoc biŋ samob lasê gêdêŋ eŋ.

³⁴Ma eŋ kêsôm gêdêŋ eŋ gebe “Latucoenec, nêm kôkêŋ gêwiŋ gêgôm aôm ŋajam kêsa, ôsa totêmtac malôgeŋ ôna ma nêm gêmac êwi aôm siŋ.”

³⁵Kêsôm biŋ gêmoa ma lau ŋagêdô sêmêŋ aŋga lômmôkênê andu ma sêsôm gebe “Latômo gêmac êndugac, aôm ôIênsôŋ mêtêmôkê êtu ageŋŋa.”

³⁶Êsêacnêŋ biŋ gêlêŋ Jesu tôŋ atom ma kêsôm gêdêŋ Iômmôkê gebe “Ôtêc taôm atom, ôkêŋ êwiŋgeŋ.”