Mak 9:28-36

²⁸Wankuyeim Yeisuw mo inoun in isiw wabunatum, navamul mo inekes, tasiyas-wan illivans, ilansa, “Aveiyag wawun na-ikadilokem bakakayeb?”

²⁹Iw to Yeisuw, ilana, “Singay keikay anka̱yob bitakayabes tasiyas; misinaka bitanitoug waseg Yowbad mo bitakayeb.”

³⁰Ilisawes ven towen, mo ikanpeles Galiliy, inounas; tage nag sivinan gamag bikakins.

³¹Inawotet gog ikatimlakes navamuls, ilana, “Gimgilitoun yey, teitan gamag bisilkodeig mo gamag mwasanin biyousigs, beiweigs bakanig, bammasis kweitoun yam mo ba̱kit vayuwein.”

³²Anilivan towen na-ikakins tasiyas; aspwa̱yat bikatiga̱nes silawun livan towen.

³³Inounas ineis ven Kapaneyum, isiws wabunatum, mo ikatiga̱nes, ilana, “Aw-livan wa̱ked nukuliva̱nes, ne?”

³⁴Tasiyas gog isesusa ikka̱pays, peinan wa̱ked nikamnimans, idokes kal biguyaw.

³⁵Mapuna isin, idawes tasiyas sinawatan teiy, imeis, idibakes, ilana, “Kal yakamiy sivinan biguyaw, kadiloka bimlatoul, babaw gamag bimugwas, mtowen bikuyeim, o bikanow ages gamag babaw.”

³⁶Ilivan ikous, mo itok gwad teitan, imey, isein wamtes tasiyas, mo inup iwlibob, idibakes, ilana, “Kal ya̱koum bileb teitan gwad, ma̱wana gwad towen, peinan gungamag towen, mamagina bilabeig yey, o mamagina bileb mtowen Tamag nikayabeig nam.”