Màndiŋ ma 24:5-13

⁵Yanqóobaa, yaaka yànji xayma! Israyil, laa ne, yaaka taaruy màkkaan!

⁶Ña nga ne màww ni tooli tàndarma, nirooteek tóokëri tàkkal dex, mbaa garabu alowes gu xeeñ gu Aji Sax ji jëmbat, mbaa garabi seedar yu saxe wali ndox.

⁷Ndox maay wale cay bagaanam, am jiwoom màndim ndox, buuram nara sut Buur Agag, nguuram jóg ba kawe.

⁸Yàllaay ki ko jële Misra, féete ko fa ay béjjén féete nagu àll. Mooy warax xeet yi ko jógal, dammat leen, jamat leeni fittam.

⁹Israyil a ngi yuug ak a goor ni gaynde, mbete gayndeg sibi, ana ku koy yee? Ku ko ñaanal barke, yaay barkeel; ku ko ñaanal alkànde, yaay alku.»

¹⁰Ba loolu amee Balag sànju ci kaw Balaam, daldi fenqey loxoom. Ci kaw loolu Balag ne Balaam: «Móolu samay noon laa la wooye woon, yaw defoo lu moy ñaanal leena ñaanal, ba muy ñetti yoon nii!

¹¹Léegi nag, laggal ñibbi. Noon naa la dinaa la teral bu baax, waaye mu ngoog, Aji Sax jee la xañ teraanga.»

¹²Balaam ne Balag: «Xanaa du sa ndaw yi nga yebaloon ci man sax, waxoon naa leen ne leen,

¹³su ma Balag joxoon këram ba mu fees ak xaalis ak wurus sax, duma mana def ci sama coobarey bopp, lenn lu baax mbaa lu bon, lu tebbi ndigalu Yàlla Aji Sax ji? Li Aji Sax ji wax rekk, moom laay wax.