Yatɛne 24:5-13

⁵Yaxuba bɔnsɔnna, ɛ tan Isirayila kaane! Ɛ dɔxɔdene tofan!

⁶E wuya bɔxɔn fari alo baane, alo nakɔne baan dɛ, alo Alatala sansi xiri faɲin naxanye sixi, alo suman wudine igene dɛ.

⁷E ige ramaradene rafema nɛn ken! E sansine ige sa a faɲin na! E mangan gboma nɛn Manga Agaga xa, a mangayaan sɛnbɛn gboma ayi nɛn.

⁸Ala nan faxi e ra sa keli Misiran yi, a nɔɔn tima e xa alo burunna ɲingena. E siyane nɔma nɛn naxanye e yɛngɛma, e yi e bun e xalimakunle ra, e yi e xɔnne yigira.

⁹E e sama nɛn alo yatane. Nde susuɛ e rakelɛ? Naxan na duba i xa, Ala xa na kanna baraka! Naxan na i danga, Ala xa na kanna danga!

¹⁰Balaki yi xɔlɔ Balami ma han! A yi a yiine bɔnbɔ, a yi a fala Balami xa, a naxa, “N ni i xilixi nɛn alogo i xa n yaxune danga, koni i tan bata duba e xa sanɲa ma saxan.

¹¹Iki keli be, siga i konni. N yi a ragidixi nɛn n xa i saren fi han, koni Alatala bata i kuma!”

¹²Balami yi Balaki yabi, a naxa, “Anu, n na a fala nɛn i ya xɛrane xa, n naxa,

¹³‘Hali Balaki a banxin so n yii naxan nafexi gbetin nun xɛmaan na, n mi nɔɛ Alatalaa yamarin matandɛ fefe ma. Alatala na naxan fala, fɔ n xa na nan fala.’