Luke 7:11-13

¹¹Karakarra ka-wingka Jijaj bajinju ki-barrawulu, na-wini barrawu Niyin; ka-wingka bajinju nayirdi alunga liyiku liyi-jawina marda liyi-mbangu winkanda, kalu-wingka yilaa nalu-miji.

¹²Ngaliwa ka-wingka karakarra nungkanu-mulungka ngalbanthawu ki-barrawulu Niyin ngalalu kariya kalu-walanyma nungkulu-mangaji nungkanu-mulungka nalarrku li-wulu, akarrakarilu kala-ka ngabangaku linji-wulungku, mungku-alakala kala-ka. Kulu bajanda rrikurra-wibi ki-ngabangakuwu, a-miyaji a-mangaji, kumba-mirra nyanki-wangu; ngayamantharra arrkula nyanki-ardu, marda nya-mangaji kumba-mirra, ngabangaku bajiwa, kalu-walanyma nungkanu-mulungka li-jakarda andaa ngaliwa Jijaj nungkanu-mulungku.

¹³Kayila-kala ki-jababalu bardabarda nyuwanki-arduwu rarrinjarra, kulu ka-rarri na-wurdu anku jababa; ka-arri, “Ngabiyarra, barni-rarrinja niyinki-arduwu!”