Text copied!
BREAK EVERY YOKE
CopyCompare
Nyoongar Bible
- Luke
- Luke 6

Luke 6:21-31

Help us?
Click on verse(s) to share them!
21“Boolanga-Yira kwabba boorda-don noonookak moorta koboorl-wirt yeyi. Noonookang koboorla boorda-moorart! Boolanga-Yira kwabba boorda-don noonookak moorta wal-waliny yeyi. Noonooka boorda kawa!
22“Boolanga-Yira kwabba boorda don noonookak nginda moorta koort-djal noonookany, nginda moorta wort-korang noonookany, nginda baalap wara-waangki noonookany, kidji baalap kalyam noonookang, arda narla Mammarapang Nopang!
23Noonooka boorda djoorab-djoorab-biny nginda nidja edjena, kidji koort-kwabba kobori, narla Boolanga-Yira boorda yanga noonookany boola moorditj ngoolonga, noolonga Boolanga-Yirang Boodjerang. Nidja-nidja moorta, baalapang maam-inrama don noolonga-djin Boolanga-Yirang Warda-Marridjinyak.
24“Yalga wara-wara-djil noonookang moorta boola boya-kadak yeyi! Noonooka kwadja-wining noonookang djoorab ngandabat!
25“Wara-wara-djil noonookang moorta boola mereny-kadak yeyi. Noonook boorda koboorl-wirt! Wara-wara-djil noonookang moorta kawiny yeyi! Noonook boorda-koort-wara kidji walwaliny!
26“Wara-wara-djil nginda moortaman kwabba-waangki noonookang! Baalapang maam-inrama waangki noolonga-djin nginda baalapil waangki kalyaminy Warda-Marridjinyany.”
27“Yalga noonooka ni! Ngany warranga noonookany: bayinya moorta koordook bakkano noonany, noonook djarnyak woonya baalapany; bayinya moorta koort-djal noonany, noonook djarnyak kwabba-don baalapany;
28bayinya moorta wara-waangki noonany, noonook djarnyak nyinya-nyinya baalapany, kidji bayinya moorta wara-don noonany, noonook djarnyak waangki Boolanga-Yirakany baalapang.
29Bayinya moorta bama noonany keny kalyatal, noonook djarnyak waangki baalapany, baalap kardjir kayar-bama noonang warma kalyatal. Bayinya moorta ngakilya noonang bwoka, noonook djarnyak waangki baalapany, baalap kardjir kayar-barrang noonang warma bwoka.
30Bayinya moortaman ngakaka noonany noolongang, yanga baalapany. Kidji bayinya moorta barrang noonang noolonga, yoowart ngakaka baalapany keny noolong korl-yanginy.
31Noonook djarnyak don warma moortakang, noolonga noonook koordook baalapany dono noonang.

Read Luke 6Luke 6
Compare Luke 6:21-31Luke 6:21-31


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!