Text copied!
CopyCompare
Anang ambal ang Dios: Magandang balita Biblia - Lucas - Lucas 6

Lucas 6:21-31

Help us?
Click on verse(s) to share them!
21Masoirti kamo nga gosto gid magimo anang kabubutun ang Dios, ay boligan na kamo agud maimo nindo indong ginaandum nga dan. Masoirti kamo nga nagapanangis, ay kamo lilipayun.”
22“Masoirti kamo kon tungud sa indong pagsonod Kanakun nga Naging Tao ugutan kanindo ang mga tao, kag isikway nanda kamo, kag yagotaun kamo kag pakalainun indong aran.
23Maman ra dan anang ginimo andang mga kaolang-olangan sa mga propita ang ona. Gani kon imoon nanda dan kanindo, magkalipay kamo nga mayad tungud nga mabaul indong maging balus doto sa langit.
24“Piro kamo tana nga mga manggaranun, kamo nga sa indong isip ara nagakinanglan anang bolig ang Dios, kailo kamo ra, ay naangkun nindo ron indong kalipayan.
25Kag kamo nga nagaparagosto dadi, kailo kamo ra, ay magaabot ang adlaw nga indi nindo ron maangkun indong ginaandum. Kag kamo nga nagakadlaw dadi, kailo kamo ra, ay magaabot ang adlaw nga magapangasubu kamo kag magapanangis.
26“Kailo kamo ra kon kamo ginadayaw ang tanan, ay maman ra dan anang ginimo andang mga kaolang-olangan sa mga tao nga nagpakono-kono nga sanda mga propita ang Dios.”
27Makon pa ni Jesus, “Piro kamo tana nga nagaparamati kanakun, akun ikoon kanindo, igogmaun nindo indong kaaway kag magimo ang mayad bisan pa sa mga naugutan kanindo.
28Pangayoon nindo sa Dios nga kalooyan na ra ang mga nagasompa kanindo, kag ipangamoyo nindo ang mga tao nga nagapasipala kanindo.
29Kon tampaun kaw sa sangka pisngi, agoantaun mo lang bisan tampaun kaw pa sa isarang pisngi. Kon may magbuul imong lambong, itaw, kag kon pati imong pinakakamisita ginabuul pa gid itaw ra.
30Tawi ang bisan sino nga nagapangayo kanimo, kag kon may magbuul imong pagkabutang indi mo ron pagbawiun.
31Imoa nindo sa indong isigkatao ang bisan ano nga gosto nindo nga imoon nanda ra kanindo.

Read Lucas 6Lucas 6
Compare Lucas 6:21-31Lucas 6:21-31