Luke 18:31-36

³¹Kamini ini amiye 12 moi gaima risi niyo, “Neidefa, una bi Jerusalem bogifa, Sei di ago niyadi vene yaku Amiye di mida rofu vata nigo vegu bura reyadi, mina rama aego.

³²Tutubena idana vene di vanari aegedi; ina rofu nikurusi ni no resi ayaka su resi

³³buburu vai resi umuyegedi. Idu gabi meda regodenuri, dudusa dadi rae rego.”

³⁴Idu ini usi dina vene bi mina sina niyori, bi ini adari ufatena de reyadi. Mina sina di rama bi ina vene di mokenari sui niyo, ma ini beika nigamo bi ina vene ka ina toto.

³⁵Kamini Iesu Jericho negau okiyori, bi ne taufa amiye yokoi ida atafu amegasa usa nigamo.

³⁶Amiye tau gade bae bogamadi mina neidegasa bi nikaitesi niyo, “Mina bi kaere?”