Luka 18:31-36

³¹Saudoudoi‐labui wa i woeaidima, ie ribalau aridi eai, i ene, “Ta sae Ierusalema eai, riba gamagaridi, tau Natuna ribana, peroveta se uridio abo se hemamohoiedi.

³²Paana ia abo se moselaei Murimuri‐tataodi nimadi eai, ia abo se talatalawasiei, eo se hebaaeaaririei, eo se garigarisoi.

³³Ia abo se lubilubini, eo se unuhemate: asubena hehaionana eai abo i torouio.”

³⁴Teina riba ta nige se nuatulobaidi: riba wa i ribayamui, riba wa i ribaedi wa aniodi nige abina se ata.

³⁵Ia abo i laoma Ieriko i hanahanaui, tau matagibugibu esau i bawabigabiga eda gegesina eai, ginauri i awaawanori.

³⁶Moutuadi se laulau dagugudi i ataiei, i hesio, i ene, “Ina saha, wa?”