Lucas 18:31-36

³¹Oman pinabelag ta ge-ley ni Jesus tang tampolok may doroang apostolis na ong mga taw tenged may ibeg na si ong nira. Ganing si Jesus, “Tandan mi. Mandian agpaning ita ra ong Jerusalem, ig mainabo ra don tang mga bagay ang sinolat tang mga propita asing tokaw natetenged ong yen, ang Ana ta Taw.

³²Yintrigao ong gaem tang mga belag ta Judio. Insoltono nira, paeyakeno ig olakan.

³³Patakano pa nira tang palo ba-lō patayen. Piro ong ya-long kaldaw maboiong moman.”

³⁴Piro indi naintindian tang mga sinagpan na. Andang pisan ay kalibotan nira tang maliag nang yaning, tenged midio may pagdapa pa ong mga kinaisipan nira.

³⁵Asing gingabot da si Jesus ong lansangan tang Jerico, may tatang taw ang boray ang lolopa-pak don ong binit tang dalan ang pagpalimos.

³⁶Asing ba-yen nang pamansita-lib tang dorong taw, nane-ma tanandia mga onopa tang gainabo.