Luke 13:2-17

²Yesu a kasa bawu biya di indi bi Galili yi ba latre nna mbur bi Galili ba don ba tie yah towa?

³A' an, me hla giu amma idan bina bre wruhle na wawu mbi wu bi tie meme na u mba.

⁴Indi wlan don tandara ni siloam wa guglo koh a grji can be wu'a bi ya di ba latre mba a meme na' u indi bari ni urushalima?

⁵A'an me hla yiwu amma bi tana bre wruhle na wawu mbiwu bi kle

⁶Yesu a hla misali yi “Indi ri ahe ni rju wa a sen kukron nda ye kyen klo ma amma nda na vriri mena.

⁷Indi u rju'a hla ni wa ani ya rju'a niwu. To yi, ise tra mezi ye di me kyen klo kukron yi, u me na fe ko riri mena. Tsen'e taga u don zi nigye ndu hra bubu?

⁸U indi u ya rju ni wu'a ka tre, tie koh mu don wu zi ise ri rli ndu me mlau tie ndi sraru taki.

⁹Ani ta klo ni semu abi amma ini ta ka klo uka tsen taga

¹⁰Yesu asi tsuro ni mi tra Rji cacu a sabath.

¹¹Iwa ri ahe ki nda lo tie se wlon don tadra. Avu ndiu nda na to nza kli zande trii mena.

¹²Da Yesu a to-o a yowu nda tre iwa u jibu ni lilo me yi.

¹³Aka wo ma sa ni wa hari me ka nime trii ma katie didi wa a gri nda gbre Rji san.

¹⁴Ichu u ya tra Rji'a ka tie fu andi a den lilo cocu sabath. Ichu a tre nda hla ni j'bu ndi ba, Ivi tanne bahi u ndu ye kpa den mbi ni vi biki, ana cacu sabath na

¹⁵Baci a kasa niwu nda tre bi mirlya ndi, Ahi rime mbi na sii lando ma ka nakpron ma hi so ma cacu sabath na?

¹⁶Toki iwayi ahi vrenwa Ibrahim wa shetan lowu zi tie se' wlon don tandra u bana siiwu cuwo ni vi sabath na?

¹⁷Da a hla tre ba ishan a tie indi bi'a ba tisan niwu amma ekpe ndi ba ba ngrji ngri ni kpi wa a tie'a