لُكِ 13:2-17

²عِسَ نَشَ عٍ يَابِ، «وٌ عَ مَحْشُنشِ نّ عَ نَ مِشِيٍ تْورْشِ نّ نَ كِ بَرِ مَ عٍ شَ يُنُبِ دَنفِ فَلِلٍكَ بٌورٍيٍ رَ؟

³ﭑ شَ عَ قَلَ وٌ بّ نَ مُ عَ رَ قٍوٌ! كْنْ شَ وٌ مُ تُوبِ، وٌ بِرِن هَلَكِمَ نّ عَلْ عٍ تَن.

⁴نَ دَرِ سَلَمُكَ قُ نُن سٌلٌمَسَشَنيِ فٌ، سِلْمُ كٌورٍ بَنشِ بِرَ نَشٍيٍ مَ؟ وٌ حْشْ عَ مَ عَ نَ تْورّ عٍ لِشِ نّ يُنُبِتْييٍ نَن تٌ عٍ رَ دَنفِ دَرِ سَلَمُكَ بٌورٍ بِرِن نَ؟

⁵ﭑ شَ عَ قَلَ وٌ بّ نَ مُ عَ رَ قٍوٌ! كْنْ شَ وٌ مُ تُوبِ، وٌ بِرِن سْنتْمَ نّ عَلْ عٍ تَن.»

⁶عِسَ مَن نَشَ يِ تَالِ مَسٍن عٍ بّ. «شْرّ بِلِ تٌ نُ سِشِ شّمّ ندٍ شَ بْشِ مَ، عَ نَشَ سِفَ عَ شَ سَ عَ بٌفِ بَ، كْنْ عَ مُ سٍسٍ تٌ عَ كْن نَ.

⁷نَ كُي، عَ نَشَ عَ قَلَ عَ شَ وَلِكّ بّ، ‹عَ مَتٌ، عَ حّ سَشَن نَن يِ كِ ﭑ قَمَ شْرّ بٌفِ قٍندٍ يِ شْرّ بِلِ كْن نَ، ﭑ مُ سٍ تٌ. عَ سِدٍ بَرَ قِندِ بْشِ مَكَنَشِ نَن نَ! عَ سّفّ!›

⁸وَلِكّ نَشَ عَ يَابِ، ‹مَرِفِ، عِ مَن شَ دِحّ تٌوقَرٍ شَ دَنفِ، عَلَكٌ ﭑ شَ عَ رَبِلِنيِ بُشَ، ﭑ حَحّ سَ عَ مَ.

⁹شَ عَ بٌفِ تَمُنَ، عَوَ. شَ عَ مُ بٌفِ، عِ عَ سّفّ.›»

¹⁰مَلَبُ لْشْ ندٍ مَ، عِسَ نُ نَ كَوَندِ تِقٍ سَلِدٍ ندٍ كُي.

¹¹عَ نَشَ فِنّ ندٍ لِ نَا حِننّ نُ بَرَ نَشَن كُنتِن عَ رَ. كَبِ حّ قُ نُن سٌلٌمَسَشَن عَ مُ نُ نْمَ عَ رَكٍلِدٍ قٍوٌ!

¹²عِسَ تٌ عَ تٌ، عَ نَشَ عَ شِلِ، عَ عَ قَلَ عَ بّ، «ﭑ نفَ، عِ بَرَ قُلُن يِ قُرٍ مَ تٌ.»

¹³عِسَ تٌ عَ بّلّشّ سَ عَ مَ، فِنّ نَشَ عَ رَكٍلِ كٍرٍن نَ، عَ سٌ عَلَ مَتْشْقٍ.

¹⁴كْنْ عِسَ تٌ عَ رَيَلَنشِ مَلَبُ لْشْي نّ، سَلِدٍ شُنمَتِ نَشَ شْنْ عَ مَ، عَ عَ قَلَ حَمَ بّ، «شِ سٍننِ نَن نَ عَ دَشَ مِشِ شَ وَلِ نَشَن كُي. وٌ شَ قَ مَرَيَلَنيِ قٍندٍ نَ لْشْييٍ نّ، كْنْ وٌ نَشَ قَ مَلَبُ لْشْي تَن مَ.»

¹⁵مَرِفِ نَشَ عَ يَابِ، «وٌ تَن قِلَنكَقُييٍ! مَلَبُ لْشْي مَ، وٌ بِرِن مُ وٌ شَ نِنفٍ شَ نَ مُ وٌ شَ سٌقَلٍ قُلُنمَ شّ عَ شِرِدٍ، وٌ عَ شَنِن يٍ مِندٍ؟

¹⁶عِبُرَهِمَ شَ دِ نَن يِ فِنّ رَ، كْنْ سٍنتَنّ بَرَ عَ شِرِ كَبِ حّ قُ نُن سٌلٌمَسَشَن. عَ مُ لَنمَ ﭑ شَ عَ قَن قُلُن مَلَبُ لْشْي مَ؟»

¹⁷عَ تٌ نَ قَلَ، عَ يَشُي بِرِن نَشَ يَافِ، كْنْ حَمَ تَن نَشَ سّيوَ عَ شَ كَابَنَكٌ قٍ بِرِن نَ.