Lukas 8:45-51

⁴⁵Lakea e Isu i nana maea, “E rei i padoi iau?” Ri lavuni e huriki, lakea e Petrus i ta maea, “Bakovi Dagi, e huriki ri pesi vatutu hateka ri tango kapi ioe.”

⁴⁶Lakea e Isu i ta maea, “I tahoka tara viri i padoi iau. A lohoka vona, a vuhuna a hatakia a nitora nau i vakatavaga ia pali.”

⁴⁷A ngatavine i lohoka ngane i uka ma ge kapiloho tabu, lakea i laho vakulukulu valai, i tabuli puru tabukoi na vahane Isu. Na matane huriki lobo, i vakalongo i navai i padoia e Isu, lakea i vakalongo tabu vona a dara i lobo liu ni pori vona.

⁴⁸Muri e Isu i takia a ngatavine, “O tugu, ioe o mahuri a vuhuna o luhoi tora iau. O vano na nivalemu.”

⁴⁹E Isu i tabana ni ta, a vinuru tara i bele, i valai na ruma e Iairus, a matakari na roho na vaponga, i ta maea, “E tumu i mate pali. Naha ni vakapae tabua a mari ni tovo.”

⁵⁰E Isu i longoa a ngava iea, lakea i takia e Iairus, i ta maea, “Naha ni mangenge. O luhoi tora iau. E tumu bara i mahuri tabu.”

⁵¹Na tahuna e Isu i bele na ruma ne Iairus, i koi ne huriki lobo ri gi dili na ruma. I tuli kunana e Petrus, e Ioanes, e Iakop, turana e kinana e tamana sirula i mate.