Lukas 22:47-53

⁴⁷A ta paguhohug para la ni Hesus tekid a dumatang na i Hudasen, a nehulun hapa tentu ya addu na tolay. A umange i Hudas te Hesus petta amuyan na mina,

⁴⁸ammi ya uhohug ni Hesus tentu a “Anu haman ta amuyam, Hudas, ya Tolayin taga Langit ta pangitalabam tentu?” kunna.

⁴⁹A ta nepakaita na kahulun ni Hesus ta gafutan da a “Mappya de, Afu, ta katkattaban mi kid na?” kunda.

⁵⁰A ka-ma la kinattab na takdayen ya tagabu na kadakalanen padi, a newasik na ya takday bangbang na.

⁵¹“Awemuy na!” kunna hapa ni Hesus tekid, otturu sini-ged na ya bangbang na kinattab da en, a nagmappyan.

⁵²A sangaw naguhohug hapa i Hesus ta ange kiden nanggafut tentu. “Anu, dulayak hud na tolay, petta endak gafutan konsu kampilan ikid na paluk ta kuman na panggafut muy ta tulisan?

⁵³Kinanghahaw itta yak haman tekamuy ta simbaanen nga nangitultuldu, anu bakkan ta yen ya nanggafutan muy teyak? Ammi gagangay ta ayanin ya oras muy ikid na oras na pagturay na dulay,” kunna tekid.