47Yesu ɛnalip fɛ kəlok-loku kɔ afum alarəm ŋander, fum wəkɔ aŋc-we Yudas, acɛpsɛ ɔn darəŋ wəco kɔ mɛrəŋ dacɔ mɔ, pəyi ŋa kiriŋ. K’ɔlɔtərnɛ Yesu kəkɔ-cup kɔ.
48Kɔ Yesu eyif kɔ: «Yudas, kəcup kɔ məndelɛkɛ Wan ka fum məsɔŋ kɔ ater ɔn ba?»
49Ntɛ asol a Yesu ŋanəŋk tatɔkɔ tɛnakɔ-cepər mɔ, kɔ ŋayif Yesu: «Wəbɛ, səntam kəsutnɛnɛ sakma sosu ba?»
50Kɔ fum wəkin asol a Yesu dacɔ, ɛŋcɛp wəcar ka wəloŋnɛ wəpɔŋ aləŋəs ŋa kəca kətɔt.
51Kɔ Yesu ɛyac ŋa pəc-loku: «Nəce tatɔkɔ!» K’oŋgbuŋɛnɛ aləŋəs ŋa fum wəkakɔ, k’ɛntamnɛ.
52Kɔ Yesu eyif aloŋnɛ apɔŋ, abɛ a abum a kəlɔ kəpɔŋ ka Kanu kɔ abeki a dɔtɔf aŋɛ ŋanader kəsumpər kɔ mɔ: «Pəmar nəder nətɔmpər sakma kɔ tɔk, pəmɔ ntɛ nənder kəsumpər kalbante mɔ ba?
53Dɔsɔk o dɔsɔk səna aŋc-yi nde kəlɔ kəpɔŋ ka Kanu kɔ nəna, mba nənasumpər f’em. Ndɛkəl oŋ, tɛm tonu tɛbəp, kɔ kətam ka kubump.»
Luk 22
Luk 22:47-53