47ዬሱሲ ሄዋ ሃሳይ ዴዒሺን፥ ጮራ ኣሳይ ዬዲኖ። ታማኔ ላዑ ኣ ካሊያዋንቱፔ ኢቱዋ ጊዴዳ ዪሁዳ ጌቴቲያዌ ሄ ኣሳ ካሌꬂዴ ዬራናው ዬሱሳኮ ሺቄዳ።
48ዬሱሲ ቃይ፥ «ዪሁዳው፥ ኔኒ ታና ኣሳ ናዓ ዬራዴ ኣꬃ ኢማይ?» ያጌዳ።
49ኣ ዩሹዋን ዴዒያ ኣ ካሊያዋንቱ ሃኔቲያ ዬዉዋ ቤዖ ዎዴ ኣ፥ «ጎዳው፥ ሃ ኣሳ ኑኒ ማሻን ቃንፃኔ?» ያጌዲኖ።
50ኡንቱንቱፔ ኢቱ፥ ቄሳቱዋ ኡባቱዋ ካፑዋ ቆማ ሾጪዴ፥ ኣ ኡሼቻ ሃይꬃ ቃንፂ ኦሌዳ።
51ዬሱሲ ቃይ ዛሪዴ፥ «ኣጊቴ፥ ባሺቴ» ያጌዳ። ቢታኒያ ሃይꬃካ ቦቺዴ ፓꬄዳ።
52ዬሱሲካ ባሬኮ ዬዳ ቄሳቱዋ ካፓቶ፥ ጌሻ ጎሊያ ናጊያዋንቶ፥ ሱንꬃቱዋሲኔ ጋዲያ ጪማቶ፥ «ፓኑዋ ኦይቂያዋዳን ማሻኔ ፃምዓ ኦይቂዴ ዪቴ?
53ጌሻ ጎሊያን ታኒ ጋላሳን፥ ጋላሳን ሂንቴንቱና ዴዒያ ዎዴ፥ ታና ኦይቂቤይኪታ፤ ሺን ሃዒ ሃዌ ሂንቴንቱ ዎዴኔ ꬉማ ዎልቃ ዎዴ» ያጌዳ።
ሉቃሳ 22
ሉቃሳ 22:47-53