Luka 4:5-21

⁵Hangi umulugu akamutongela mingulya kunsonge a lugulu, akamulagila utemi wi hii nwa munku migulu kumatungo ni makupii.

⁶Umulugu akamuila kuupa ukulu wa utemi wihii nuu kote kituma uu kunsoko iikilwe kitalane nikete wihi nutakile kumpa.

⁷Ang'wi ukutungama, nukunkulya imaintu aya akutula ako ihi.

⁸Ingi u Yesu akasusha nukumuila, iandekilye, umukulye Itunda wako, nukumutumikila ung'wenso duu.

⁹Itungo umulugu akamutongela u-Yesu mpaka kuYerusalemu, nukumuika migulya mitekelo, akamuila ang'wi wing'wana wa ng'wi tunda wigume pihi kupuma pang'wanso.

¹⁰Kunsoko iandikilwe, ukualangilya i a malaika akwe nukuusunga.

¹¹Hakuhumbula miglya mumikono ao kunsoko uleke kiaalya imigulu migwe.

¹²U-Yesu akasusha akamuila, itambuwe leka kumugema Itunda ako.

¹³Umulugu naukondilye kumugema U-Yesu, akalongola yakwe akamuleka imatungo ni mangiza.

¹⁴Ingi U-Yesu akasuka ku-galilaya kunguluu ya ng'wa ng'welu, ninkani yakwe yakendelea kusambaila muisale yihi nia pakupi.

¹⁵Aumanyisilye mumatekelo ao, ihi ikamukulya.

¹⁶Luhiku akalongola ku Nazaleti, mukisali nautungilwe nukukuila. Anga naiwilowa kingila mumatekelo luhiku la sabato, na aiwimikile nukusoma naiiandikile.

¹⁷Akapegwa ikitabu kang'wanyakindagu U-Isaya, kululo, akalungula akaduma apo niandekile.

¹⁸Ung'wang'welu ukole mitalane, kunsoko aumpakoie imakuta kutanahia ulukani luza. Untumile kutanantwa ulekelwa kuwatungwa, nishaiona kuteleona hangi kuapa ulekelwa awa neonyeigwe.

¹⁹Kutanantwa ung'waka nua mukulu ukulangila uza wakwe.

²⁰Hangi akalungaila ikitabu, akamusukilya umukulu witekelo, nukikie pihe. Miho aantu ihi ikamuguzela naiakoli pang'wanso ikamugozela ung'wenso.

²¹Akandya kulingitya neenso akalunga, ileliye ilangilyo lapika muakutwi ayu.