Luka 24:19-22

¹⁹Motong la Yesu iyei ne, “Soo so pombe i?” Motong la di galiunu tina ngan tiyei ne, “Amru nga amwetewete ye Yesu yo ke Nasaret i. Ya in Maro koonoo atu, le urata ki yo iyei inbe betanga ki yo iwete la di tooltool matadi nga, ngan ipa ye gurana ke Maro lapau.

²⁰Bong di tooltool maimai ke paroranga so pang Maro tiye di kuto maimai kiam yo matadi kalam Yuda nga, ngan titaru la di tooltool kuto maimai ke Rom baedi, a nen ngan be tipatota lo kai palasingi kaini a tirauu le imata.

²¹Bong am nga, amtara lomam medana be Yesu in la Maro iwanga be si ikau am tooltool ke Isrel a ipamulam i. Bong tirauu le imata a iken ye ke ru oo, inbe ke tol ki la nookoot katai i.

²²Ngan nookoot muntu katai nga, ngan so san mulu pombe. Di garup kiam pattu tisokat muntu bongmai koot a tila ye agoro tani yo titara Yesu bobono ye i, ngan tikamata tiap le timulu a man tiwete pam le amtakrai. Inbe tiwete pam be tila ngan tikamata so dawa ben mianga ye di bangabangana ke Maro yo tiwete pang di be Yesu in imaur mulu oo.