19'Ɩn ɔ yia wa layɩbhaɛ: «Mɔɔ -gbʋ we -ma?» 'Ɩn wa yia we 'bɩgʋpalɩ ɔ -ylaɛ: «Gbʋ -we 'ylɩa Nazalɛtɩyu -Zezu, mʋ -wa! -Lagɔgbʋʋ -falɩpanyɔ 'tɩtɛ ɔ -mɩa. Ɔ ka we -slolu ɔ lɛnʋgbʋnya -yɔ ɔ wɛlɩnya 'wʋ, -Lagɔ -yɔ nyɩma 'yu.
20-Amɩaa *-Lagɔbʋbɔnyaa -cɩan -yɔ -amɩaa 'yugalɩnya ka -Zezu wla, wa 'bha ɔ, 'ɩn wa yia ɔ *su -gʋ lakʋlʋ.
21-Amɩa dɩ we dlɩ 'wʋ nɩɩ, mɔ 'ka yaa Izlaɛlɩnyɩma gbʋ 'wʋsa. 'Ɩn -mʋʋ weee -gʋ, gbʋnya 'plɩa, we 'ylɩ taa zlɩ mɩa -zɛɛn.
22Gbʋzɔnʋ -wa, -amɩa glaa ŋwnɩ tɔlʋa ka -aɩn ŋwɛgaga -sʋbhalɩ. Zlʋkpɛ -papa, 'ɩn wa yia gbawla -gʋ mnɩ.
Lukɩ 24
Lukɩ 24:19-22